યશ

યશ

પંચાવન વર્ષની ઉંમરે
શ્રીજી એ આપી અણમોલ ભેટ
એક તેજસ્વી રત્ન આપ્યું
બાળ સહજ હાસ્ય
બાળ સહજ જીદ
બાળ સહજ ગુસ્સો
બાળ સહજ હરખ પદુડો
પણ લાગણી અપરમપાર
જાણે નાનકડો અવ્યાન
મોટેરો મારો યશ
આજના યશસ્વી દિવસે
એટલે કે જન્મદિવસે
માતૃહૃદય થી ટોપલો ભરીને
આશીર્વાદ  .....!

વ્હાલી મમ્મી 

ખલીલ જિબ્રાન

  ખલીલ જિબ્રાન

'ખલીલ જિબ્રાન, વિશ્વવિખ્યાત લેબેનીઝ-અમેરિકન લેખકનાં 70 જેટલા પત્રનો રસપ્રદ સંગ્રહ છે. આ સંગ્રહ એક કલ્પનાશીલ કલાકાર પુરુષના અંતરમનની વાત કરે છે.
કોઈ પુરુષ અને સ્ત્રી એકપણ વાર પ્રત્યક્ષ મળ્યા વગર માત્ર પત્રો દ્વારા પ્રેમમાં પડી જાય અને આજીવન પરસ્પર મળ્યા વગરનો તેમનો સબંધ ટકી રહે તે માનવું અસંભવ લાગે. પરંતુ કલાકારોની આગવી શૈલી હોય છે,જેમાં કંઈપણ અસંભવ હોતું નથી. પ્રસિધ્ધ લેબેનીઝ લેખિકા મે ઝેઓદેહ અને ઋષિતુલ્ય ખલીલ જિબ્રાન માટે એ શક્ય હતું. તેમનો પરિકથા જેવો પ્રેમસબંધ એક નક્કર હકીકત હતી, પરંતુ આ જિબ્રાનના મૃત્યુ બાદ જ પ્રકાશમાં આવી.'
('મે એન્ડ ખલીલ જિબ્રાન' જમીલ જાબ્રે 1972)

આત્મકથા

આત્મકથા

મન તો મ્યુઝિયમ બની ગયું છે

કેટકેટલું સંઘર્યું છે? 

લાગણી સાથે સંવેદના

પ્રેમ સાથે નફરત

આક્રોશ સાથે મૌન

ઈર્ષા સાથે પ્લાસ્ટિક્યું સ્મિત

પારકા સાથે પોતિકા

ભૂતકાળ સાથે વર્તમાન 

હ્રદયના કુકરમાં વધતું જાય છે 

વરાળનું પ્રેશર….

અગનજ્વાળ તો ચાલુ જ હોય! 

બ્લાસ્ટ કરવાની ક્ષમતા હોવા છતાં 

નાની નાની સિટીઓ મારી લઈએ

ધુમાડા પીવાની ટેવ જો, 

આ ગુંગળામણ પીવાથી

ખાંભી ખોડાશે? 

પ્રતિમા મુકાશે? 

મમતાની મૂરત ને ત્યાગની દેવીની? 

"આંતરરાષ્ટ્રીય વિમેન્સ ડે, પર

અઢળક લખાશે,

ધુમાડો બન્યા પછી! 

ઊઠાવ કલમ ને

શબ્દોથી શણગાર 

નાનકડું સ્મિત સાથે ખડખડાટ હાસ્ય 

ઉના ઉના આંસુ સાથે કાળું આક્રંદ

નાનીશી પ્રશંસાની સામે જીવંત આહુતી

એ જીવંત પળ મુકીને જા, 

તારા પ્રપૌત્રો માટે! 

જીવંત વસિયત

અમર વસિયત 

પોતાની આત્મકથા.! 

નીતા શાહ (૧૫/૧/૨૦૨૦)