હેલ્લો...
કોણ..?
ઓહ...પ્રભુ આપ..?
શું કહું તમને...
જુવો ને મોકાણ અહીની
તોળાય છે ત્રાજવે સબંધો
એક પલડે ગુણ ને બીજા પલડે અવગુણ..
એક પલડે મુકો રાગ,દ્વેષ અને જુઠાણાને
બીજે પલડે મુકો કરુણા,પ્રેમ અને સચ્ચાઈને
જુવો અને વિચારો...કોણ વત્તું ને કોણ ઓછુ...?
પણ અહી તો એકની સચ્ચાઈ બીજા ને જુઠાણું ભાસે..
ક્યાંથી લાવું એવું ત્રાજવું...પ્રભુ...?
જેમાં ફક્ત પ્રમાણિકતા જ ભાસે...
કેવું ગણિત તે માંડ્યું છે આ સબંધો નું...
ઉકેલતાં આ કોયડો
વધુ ને વધુ ગુંચવાય...!
પ્રભુ....અમને એક વરદાન આપો..
સાંભળો છો પ્રભુ...?
અમારા અહં ને પાછો લઇ લો
કદાચ સબંધો...
મધ જેવા મીઠા બની જાય...
નીતા.શાહ.