વ્હાલી સખી,
શું કહું સખી તને ? આજે તો હૃદય ભરાઈ આવ્યું છે તો કલમનાં સથવારે તારી સમક્ષ ઠાલવું છું. કાશ, હું દોડી ને તારી પાસે આવી શક્તિ હોત તો કેટલું સરળ થઇ જાત !
જિંદગીના અમુક વળાંકો એવા હોય છે કે જ્યાંથી છુટા પડ્યા પછી પણ પાછું વળી શકાતું નથી. જીંદગી વનવે થઇ જાય છે. તું જાણે છે કે ત્યાં યુ ટર્ન છે જ નહિ ! હાથમાંથી હાથ છૂટે ત્યારે કૈક અંદરથી તૂટે છે,શ્વાસ થોડો તરડાય છે,સ્વર જરા રૂંધાય છે, અસ્તિત્વ પણ અટવાય છે અને સંવેદનાઓ પણ સંકોચાઈ જાય છે. માત્ર હયાતી હોય છે, બાકી બધું જ મારી ગયું હોય એવું લાગે છે.જીંદગી અસ્તવ્યસ્ત બની જાય છે.
