''કાગળ અને વૃક્ષ''
લખાણ તો કાગળ પર જ શોભે ને..
પણ કાગળ..
કાગળ તો વૃક્ષ માંથી જ બને ને..?
પૃથ્વી પરનું એક વૃક્ષ ઓછુ થાય..
તેની સાથે કેટકેટલું ઓછું થાય..?
પક્ષીનો માળો
તેનો કલશોર
તેના ટહુકાઓ
સાથે લીલા-પીળા પાંદડાની વસંત ને પાનખર...
શું તમે વાંચી શકો છો એ કાગળ પર...
સમીરનો સાક્ષાત્કાર
વર્ષાનો ચમત્કાર
છાંયડાનો પગરવ
પક્ષીનો કલરવ
કઈ લેવા દેવા છે આ કાગળ અને વૃક્ષને ..?
પરિવર્તન નો પવન પણ જરૂરી છે ને..?
એક ડસ્ટબિન ને પૂછો કે
કાગળ રૂપી કેટલા વૃક્ષો ઠાલવ્યા છે
એ ગંધારા ઉકરડે..?
એક પુસ્તકાલય ને પૂછો કે
કાગળ રૂપી કેટલા વૃક્ષો મુલવ્યા છે
માનવ-વિકાસ ના અર્થે..?
એ માનવ નો વિકાસ ત્યારે જ કહેવાશે
જયારે કાગળ નું રીસાયકલીંગ થશે..
તો જ વૃક્ષો સચવાશે...સાથે
પર્યાવરણ અને પ્રકૃતિ જીવંત રહેશે....!!!
નીતા.શાહ.
