અપેક્ષાઓ વિનાનો લથબથતો પ્રેમ
'તને ચાહું છું'
'તું મને ગમે છે'
એવું કહ્યા વિના તરબોળતો પ્રેમ
જ્યાં રૂબરૂ મિલન નથી
તો જુદાઇ પણ નથી
વિરહ માં વાસંતી વાયરો સ્પર્શાવતો પ્રેમ
મારું એ મારું નથી
તારું એ તારું નથી
વાસના રહિત રોમેરોમ માં મધમધતો પ્રેમ
ખુબ જ દુર છે તે
છતાં ભાસે આસપાસ
સતત ધબકારે...ભણકારે...ધબકતો પ્રેમ
કરાગ્રે વસતે લક્ષ્મી..કહેતા જ
હથેળીમાં તારો જ ચહેરો..
બંધ આંખે કે ખુલ્લી આંખે ...નીખારતો પ્રેમ
એનું સ્મિત મારું જીવન
એનું રુદન મારું મૃત્યુ
વણવચને બંધાયેલ વજ્ર જેવો કઠોર-કોમળ પ્રેમ....!!!
-નીતા.શાહ.
