ખુશામત ફૂલોની .....!!!
મંદિરમાં ચઢાવો કે મસ્જિદમાં
જન્મ સમયે યા તો મૈયતમાં
પરોવી દો સોયમાં કેશની વેણીમાં
પહેરાવી દો હાર ગળા માં તેણીનાં
કાંટાઓ વચ્ચે છે સ્થાન મારું
પ્રેમપ્રતિક સમું ગુલાબ નામ મારું
દેવ-દેવીના ચરણોમાં સ્થાન મારું
નફરતને પ્રેમમાં ફેરવવાનું કામ મારું
દરેકના જીવનમાં અર્પિત થતો જાઉં
હાર કે જીત માં સમર્પિત થતો જાઉં
ખુદાને પણ ગમે છે ખુશામત ફૂલોની
એટલે તો ખુદ ચાદર ઓઢે છે ફૂલોની
નીતા શાહ