પ્રેમની પરિભાષા ન સમજાય ત્યારે.....૨૪/૪/૧૨...!

પ્રેમની પરિભાષા ન સમજાય ત્યારે

મળેલા ઝખ્મો રૂઝાય તો ય ઘણું...

આશ ના સહારે જીવી રહી જીંદગી

યાદોના સહારે મરાય તો ય ઘણું...

સુકાઈ ગયા છે અશ્રુ પણ આંખોમાં

સપનાનો સાગર ભરાય તો ય ઘણું...

બની ગયા મહેલ પણ ખંડેર હવે 

પગરવ ક્યાય સંભળાય તો ય ઘણું...

સમજાય છે લીધેલ અબોલા સખા

મુખે તારા બેવફા બોલાય તો ય ઘણું...

આસપાસમાં જ છતાં ય ક્યાય નહિ 

જગ ની ભીડ માં તું દેખાય તો ય ઘણું...

નીતા.શાહ.

વાસ્તવિકતા ના ધરતીકંપ થી...!

વાસ્તવિકતા ના ધરતીકંપ થી

તૂટેલી ઈમારત મારી

રેતી માં ઘર બનાવું કઈ રીતે?

પાંખ વિનાનું પંખી હું તો

યાદો ના પિંજર માં કેદ 

મુક્તગગનમાં વિહરું કઈ રીતે?

અસ્તિત્વના થયેલ વિભાજનમાં 

રસ્સી ખેંચની રમતમાં 

એકાંતને ખેચી લાવું કઈ રીતે..?

મારું તારું કે તારું મારું ...સખા

આપણું બનાવાની મમતમાં 

સહિયારું બનાવું કઈ રીતે....?

નીતા.શાહ.