આપોને તમારી આ હથેળીને
હસ્તરેખા જોવી છે મારે
કેટકેટલું ય હશે તમારા હાથમાં
માન-પાન હશે
ધન-દોલત હશે
કુટુંબ-કબીલો હશે
રાજ-યોગ હશે
મારે ક્યાં કશા કામનું ?
ખાલી તમારો હાથ
ખાલી તમારો હાથ ?
કેટકેટલું ય છે આપણા ખાલી હાથમાં ?
ઉષ્મા ને ઊમંગ છે
હુંફ ને લગન છે
પ્રેમની પ્યાસ છે
વ્હાલનું વરદાન છે
ચાલો હવે એનાથી
ભેળવીએ હૃદયના એકમેકના ભાવને
સારું હોય કે નઠારું
આપણા હાથ કેળવીએ
અજાણ્યા છો ?
કહું છું હાથ લંબાવી
ભેળવી લઈએ હથેળીઓ આપણી ...!
નીતા શાહ
