ખોટી જગ્યાએ દુખ હળવું ન કરાય
એમ હાથે કરી દુખ બમણું ન કરાય
વ્યક્ત થઇ શકે એને વ્યક્તિ કહેવાય
વ્યક્ત ન થઇ શકે એને શું કહેવાય ?
કોમનમેન હમેશા કોમન વાતો કરે
પોતાને જ કહે છે કેમ માની લેવાય ?
ભૂમિ એક જળબિંદુ માટે વલખા મારે
સમજણ નું વાદળ જ પહેરો ભરે તો ?
લાગણી તો હૂંફની હળવાશ કહેવાય
લાગણી ને જ લોકો હડસેલી દે તો ?
તારું અને મારું તો સહિયારું કહેવાય
મારું મારું આગવું કરે એને શું કહેવાય ?
નીતા શાહ
