શબ્દો બે પ્રકારના
હકારાત્મક અને નકારાત્મક
એક 'હા' ને એક 'ના'
એક મીઠી ને બીજી કડવી
એક વ્હાલી ને બીજી અડવી
એક પામો ને બીજી કળવી
એક મધ ને બીજી કાળીજીરી
બોલને સખી, પહેલા સ્થાને કોણ ? 'હા' કે પછી 'ના'
લાગે નવરો પડ્યો જે દિ દીનાનાથ
લાગે ઘડ્યા આવા અઘરા શબ્દો
'હા' ને પરોવો હૈયે તો પ્રીત ને
'ના' ને ઝબોળો હૈયે તો નફરત...
પ્રીતની 'હા' માં પહાડ પણ ભાસે કંકર
નફરતની 'ના' માં કંકર ભાસે પહાડ....
કહો ને સખી,પહેલા સ્થાને કોણ? 'હા' કે પછી 'ના' ?
કડવા ઓસડીયા
કડવા કારેલાં
કડવો લીમડો...
કોણ પાય...???
એક મધ-મીઠી ''માં''
''મીઠા મધુને મીઠા મેહુલા રે લોલ
એથી મીઠી છે મોરી માત રે...
''બા'' ની આંખમાં 'હા' હોય કે 'ના'..?
તેની આંખમાં ક્યારેક ''હા''
તો ક્યારેક ''ના''
અને હા, વચલો રસ્તો કાઢવો હોય ત્યારે..
નરો વા કુંજરો વા..
પણ હોય ફક્ત
તેના ''લાલ'' ના
હિતમાં જ...સમજ્યા..?
કારણ '' માં તે માં...... ...... ......''
-નીતા.શાહ.
'