પુસ્તક

પુસ્તકો વસાવવા એ જિંદગીનું સારા માં સારું ઇન્વેસ્ટમેન્ટ છે,
વાંચવું અને વંચાવવું એ જીવનનું સારામાં સારું સપ્લીમેન્ટ છે.

નીતા શાહ

અકળ મૌન...!

હા, હું અને તું
ટેબલની સામસામે
વચ્ચે પ્રકાશિત કેન્ડલ
અકળ મૌન
વન કહેવાયેલા શબ્દોની વણઝાર
એની કીકી માં વાંચવા મથતી તી
પણ ...
નજર ઉંચી કર્યા વિના
લીપી ને ઉકેલું શી રીતે ?
અને...

ત્યારે સમજાયું કે
લખવું અને વાંચવું તો સાવ સરળ છે ...!
નીતા શાહ

એષણા....!

ખબર છે તને ?
એષણાઓને હૃદયના સાતમાં પડમાં
મુકેલ લોકર માં પૂરીને
ચાવી એની સમુદ્ર માં પધરાવી દીધી
રહી રહી ને ડોકાચિયા કરતી તી
તને અણગમતી એષણાનું
પ્રદર્શન થઇ જાતું તું
હું ચુર ચુર થઇ જાતી તી
જીવંત એષણાઓની અંત્યેષ્ટિ કરીને
હાશકારો થયો છે
કારણ
ભેખ જો મેં લીધો છે
તારા હસતા રમતા જીવન ને માણવાનો
જોયું ?
રેડીઓ પણ હુંકારો ભણે છે
સુર રેલાવે છે
જો તુમકો હો પસંદ વોહી બાત કરેંગે
તુમ દિનકો અગર રાત કહો રાત કહેંગે ....!

નીતા શાહ