પરબીડિયું ખાલી પણ....!!!

પરબીડિયું ખાલી પણ 

છલોછલ હોય છે સુગંધથી

વ્યાસપીઠ છે અનુભવોની

મુક્ત મૌન હોય છે પ્રબંધથી

શ્વાસોચ્છવાસ ચાલે તારા પણ 

હાશકારો હોય છે સબંધથી

ક્યાંક વેરાયેલી મળું તને

સમેટવાની હોય છે પ્રેમાંધથી 

ઘુટું નામ પાટીમાં બાળસહજ

નીરખવો હોય છે સખાબંધથી

રેતીના ઘરની રમત માં 

રોકવાના હોય છે જળ બંધથી

શાશ્વત રહેવા જન્મેલો કાગળ

લખાણો હોય છે ગઝલોછંદથી

ક્યાંક પસ્તી ન બની જાય 

ગુથવાના હોય છે શબ્દો સુરંગથી 

આશ્ચર્ય ચિન્હ જેવો પ્રેમ તારો

સકારણ હોય છે હેતુબંધથી

નિયમો ક્યાં પ્રેમની ભાષામાં

બંધાયેલા હોય છે 'હું'ના બંધથી 

સરનામાં વિનાના બાંધેલ ઘરને

નેમપ્લેટ ક્યાં હોય છે સબંધથી 

અવર-જવર તો ચાલ્યા કરે

કમાડ ક્યાં હોય છે ઋણાનુંબંધથી 

નીતા.શાહ.