કલ્પના...
વેરાન જંગલો વચ્ચે
ઊંચા બનીને ઉભવું
શું એ પર્વતનું ગૌરવ છે..?
કદાચ મજબુરી પણ હોઈ શકે
તેનું અસ્તિત્વ એટલે નરી એકલતા....
સાગરનું તપીને
વરાળ બનવું
શું એ બાષ્પીભવન છે...?
કદાચ સુરજની કોશિશ પણ હોઈ શકે
સાગરને આકાશની સફર કરાવવાનું....
આકાશમાંથી તારાનું
ખરી પડવું
શું એ એની ગફલત છે...?
કદાચ અંતિમ ઈચ્છા પણ હોઈ શકે
અફાટ ધરતીનું કફન ઓઢવાનું....
વૃક્ષ પરથી પર્ણનું
ખરી પડવું
શું એ વૃક્ષનો નિર્ણય છે...?
કદાચ એ પાનખર પણ હોઈ શકે
પુન:જન્મ લઈને નવજીવન જીવવાનું ...
લીલાછમ ઘાસ
પરની જળબુંદ
શું એ સાચે ઝાકળ છે...?
કદાચ એ ઘાસનું આંસુ પણ હોઈ શકે
દુઃખ ભારોભાર વાદળે નહિ બંધાયાનું...
નીતા.શાહ.