"વ્હાલ અને વિરહનો ગુલમહોર"

વ્હાલ ને વિરહની વચ્ચે લાગણીના ગુલમહોરને ઉછેર્યો

હચમચાવી દે પાગલ સમીર બનીને

તરબોળ કરી દે ઘનઘોર પયોદ બનીને

બળબળતી ધરાને ઠાર અમીવૃષ્ટિ કરીને

રતુંબલ કરી દે ક્ષિતિજે સ્વયંભૂ પ્રગટીને

ભરતીના મોજાએ વહાવ રક્ત ખારી મીઠાશથી

ટપટપ ટપકવા દે અનંત સ્ખલન અક્ષિ મહીંથી

અરે…

વળગાડી હોય ગળે નરી કાયરતાને

ખોટેખોટું ઝાંઝવું બતાવી દે મૃગજળ બનીને

સાચેસાચ ભીંજવશું પાલવ આભાસી જળથી

ઠરી જાશું, ભસ્મ થાશું, સાચુકલા ભ્રમથી !

નીતા શાહ

ખોટેખોટું ઝાંઝવું બતાવી દે મૃગજળ બનીને

સાચેસાચ ભીંજવશું પાલવ આભાસી જળથી

ઠરી જાશું, ભસ્મ થાશું, સાચુકલા ભ્રમથી !

નીતા શાહ