' અટ્ટહાસ્ય '
પત્ની પતિના બાહુપાશમાં
સણસણતો તમાચો
પ્રિયે, મારા કરતા પણ
વધુ વ્હાલ કે પ્રેમ
બીજાને તો નહિ કરે ને ?
પત્ની હવે જનની
વ્હાલસોયા પુત્રને ખોળામાં રમાડતા
હર્ષોઉલ્લાસ સાથે
બેટા, મારા કરતા પણ
વધુ વ્હાલ કે પ્રેમ
બીજાને તો નહિ કરે ને ?
યુવાન બનેલો બાળક
પોતાની સહધર્મચારીણીને
વધુ ચાહવા લાગ્યો
જનની કરતા પણ વધુ
જીવન મંચ ઉપર સતત અને સતત
ભજવાતું આ નાટક જોઇને
અટ્ટહાસ્ય વેરે છે વિધાતા
ગડમથલમાં રાચે છે
કોણ કોને છેતરે છે ?
પતિ પત્નીને ?
બાળક માતાને ?
નીતા શાહ
No comments:
Post a Comment