'પતંગિયું'
કતારબંધ પતંગિયાઓ માંથી
સાવ જુદું તરી આવતું
એક પતંગિયું વિખૂટું પડ્યું અને
આંખોમાં શમણાં રોપી ગ્યું
અહીંથી તહી
તહીથી અહી
ફરરર પાંખો ફફડાવીને
એની પૂંઠે દોડવા લલચાવી રહ્યું તું
જાણે કહેતું તું ફોલો મી ...
પછી તો નિત્યક્રમ
ઉઠતા, બેસતા,ઊંઘતા
અદભુત આકાર
બેનમુન કુદરતે પૂરેલી રંગોળી
લાવણ્યમયી મુગ્ધા
અને
એક દિવસ
આગોશભર્યા સ્પર્શે
તરફડાટ કરતુ
ચીરનિંદ્રામાં પોઢી ગયું
સજળ આંખે
સફેદ રૂમાલમાં સાચવીને
વ્હાલના ગોખલામાં પધરાવ્યું
થોડા દિવસમાં તો
રૂપ બદલતા
એ અદકેરા સ્મૃતિચિન્હને
અંગત ડાયરીના પાનામાં
સજાવી દીધું ...
અશ્રુઓના અભિષેક સાથે ...
નીતા શાહ
No comments:
Post a Comment