હાશકારો થાય જયારે નીરખું ઓ શામળા

ગઝલ

ગાલગાગા ગાલગાગા ગાલગાગા ગાલગા

 હાશકારો થાય જયારે નીરખું ઓ શામળા

આંખ મીચું તું જ ભાસે વીરમું ઓ શામળા

ગોમુખીમાં ફેરવું પારા પ્રભુનાં નામનાં

એક ભૂલું બે ગણું હું ભૂલથી ઓ શામળા

ચોરટો ચોરી કરે માખણ જમે જો વ્હાલમાં

ગોપિયું સૌ ફાલતુ ફિસાદ રે ઓ શામળા

બોલ રાધે કૃષ્ણ રાધે કૃષ્ણ તાળીનાદ થી

સ્થાન પરથમ રાધિકાનું બીજું ના ઓ શામળા

પ્રેમપ્યાસી ગોરિરાધા કાનકુંવરની ટેવ જો

પ્રીત,શૌર્ય સહચરાનું સાયુજ્ય રે ઓ શામળા

નીતા શાહ