શિખરિણી છંદ
સોનૅટ

પ્રભાતે ઊગ્યો ને, શતદલ નદીને પદ પડે
વસુધા આકાશે, નયન શરથી ચુંબન કરે
દસે બાજુએથી,પવન ફરકાવે તરુવરે
રમા જો આઘેથી, અધર સુરખી જો  ચસચસે
સખીઓ સૌ મારી, હ્રદય કમળે આલય મહીં
અધીરી સૌ જો ને, રમત રમતી સાક્ષર તણી
યમાતા માતારા, નસલ સલગા ભાનસ લગા
કહેવાતા છંદો, પઠન કરતાં ભાવ જ વહે
સ્વભાવે દેખાવે, શરદ સરખી કોમળ વસે
પ્રભાતે પ્રિયાંશી, ધવલ સમ મા શારદ દિસે
જમાનો છંછેડે, ઉરગ રૂપમાં કૌવત ભરે
પ્રપંચો સામે જ્યાં, અચલ ગઢ કાળે થરથરે
અહો હે દેવાત્મા, અરજ રજ મારી જ સુણજો
અહં સાથે ઈર્ષા, સકલ જગમાં નાશ જ કરો

નીતા શાહ