લાગણીના વાટકી વ્યવહારમાં ...!

લાગણીના વાટકી વ્યવહારમાં 

અક્કડતા ઢીલી કરવી પડશે

સંવેદના ઝીલવી હશે તો

મન મોકળું કરવું પડશે

જોઈએ છાશ ને છુપાવી દોણી

સામે દોણી ધરવી પડશે

સાતત્ય સાચવવું હશે તો

કસમ ખાઈને કહેવું પડશે

ઈકરાર અને ઇન્કારની ખો માં 

દીવાનગી તો કરવી પડશે

શરમાળ પ્રકૃતિ હશે તો 

હામ ખોવાની રાખવી પડશે

તમાશો જોવા ઉભા કિનારે

ડૂબકી મારતા શીખવું પડશે

મોતી ગમતું જોઈતું હશે તો

મરજીવા પણ બનવું પડશે

જાતને પીછાણ સ્વ ને જાણ

કૂડકચરો ખાલી કરવો પડશે

ન લપેટ ખુમારીને અહં માં 

નહિ તો મોં ની ખાવી પડશે 

જો આ પ્રથા-રસમ-રીવાજો 

જ્યાં છે ત્યાં જ રાખવા પડશે

ખુમારી હોય તો બતાવી દે

નફરતને પ્રેમ માં વળવું પડશે 

નીતા.શાહ.