દીકરી વ્હાલનો દરિયો....!!!

  માં દીકરીના મન ના એવા પાક્કા તાણાવાણા
મૃગનયની આંખો માં જેવા શાંત સુતેલા શમણા

દીકરીના સૌ ભાવ નવેલા માં ને આવી પહોચે
દીકરી ને દિલ આંસુ ઝરતા માને જઇ ભીંજાવે

જીવન-નૈયા દીકરી કેરી જાય અહીં તહીં ભટકી


તો સાથે સાથે ''માં'' તણાય કાંઠે ઉભી ઉભી
જયારે દીકરી નું હૈયું ઝૂમે આનંદે હેલી નાચે
તો ''માં'' નું ય મન ઘેલું ઘેલું વિના કારણે નાચે

દીકરો માનો દીકરો રહેશે કદાચ જીવન વાટે
દીકરી સો-ટચ 'માં' ની રહેશે જીવતર સાટે.....!!!