આ દીકરીઓ મોટી કેમ થઇ જતી હશે...?
વ્હાલના વિશાલ દરિયામાંથી
સમજણની સરિતા કેમ થઇ જતી હશે..?
આ દીકરીઓ મોટી...
મારે ઘેર ક્યારે આવશો પૂછવું હતું
તો ક્યારેય તમને નહિ છોડું શીદને કહેતી હશે...?
આ દીકરીઓ મોટી...
હમણાં તો ચોકલેટ માટે એને લડતો
ને આજ દવા મને કેમ ખવડાવતી હશે...?
આ દીકરીઓ મોટી...
આમ તો જુવો તો મારી જ છે એ સુગંધ
પણ ફોરમ બની એના ઘરે કેમ પ્રસરાવતી હશે..?
આ દીકરીઓ મોટી...
મારા મતે તો એ સાવ ગાંડી ને ઘેલી
તો ય વગર કહે સઘળું સમજી કેમ જતી હશે...?
આ દીકરીઓ મોટી....!!!
-હાર્દિક યાજ્ઞિક.
No comments:
Post a Comment