ગઝલ ....લાગણીની ભીતરે જ્યાં સાર છે

ગઝલ
ગાલગાગા ગાલગાગા ગાલગા

લાગણીની ભીતરે જ્યાં સાર છે 
ટેરવાને સ્પર્શનો આ ભાર છે

વાત રાખી તારી ગમતી પ્રેમથી
સાવ મૌખિક વારતાની ધાર છે 

કલ્પનાઓનો મળે ઢગ સ્વપ્નમાં
સૂર્યકિરણ ફૂટતાં સૌ ઠાર છે

જ્યાં હથેળીને હથેળી જો મળે
ભાગ્યરેખા બેઉની ભરમાર છે 

હું,તું ને આ ખાલિપો જયાં સાથ છે 
બાદબાકી તો સરવાળે ખાર છે

શ્વાસ મારાં જિંદગી આ કોઈની
સ્હેજ પલળું લાગશે ત્યાં પ્યાર છે


નીતા શાહ