ગઝલ ...વાતોની આડશમાં શું ખોયું છે ?

 

ગઝલ

ગાગાલગા ગાગાલગા ગાગાલગા

વાતોની આડશમાં કહો શું ખોયું છે?

તારી કીકીમાં મારું સપનું ખોયું છે.

સગપણવિલામાં પોતિકાની દૂરતા

આ પોતિકાની ખોટમાં બહુ ખોયું છે

પાંપણભીનાં શમણે છે પ્રિયતમનું સ્મરણ

પ્હોં ફાટતાં રોળાય સઘળું ખોયું છે

આ ક્રૂરતાનો સામનો હસતાં કીધો

આંખો મહી આંસુ દયાનું ખોયું છે

               

જીવનથકી અઢળક તરુ જ્યાં વાવિયાં

તડકે ઊભો, સુખ છાંયડાંનું  ખોયું છે

નીતા શાહ