કથા કલમ ની

      કથા કલમ ની

       તરફડે છે કલમ આજે , હતો કેટલો રુવાબ એનો

       શરૂઆત થઇ કીત્તો

       પછી આવી નિબ

       હતો રુવાબ શાહીપેન નો

       શર્ટના ખિસ્સાની શોભા

       પછી બોલપેન 

       જેલ પેન

       અરે પેનની બ્રાંડ અને દેખાવ પરથી 

       માણસ નું સ્ટેટસ ઓળખાતું 

       નિશાળમાં એની સફર શરુ થતી ને 

       છેક એની ઓફીસ સુધીની 

      આજે ફક્ત પેન સાઈન કરવા જ 

      વપરાય છે કારણ ....?

      લેટેસ્ટ ટેકનોલોજી 

      ન તો પેન કે ન તો શ્યાહી 

      ફક્ત આંગળીનું ટેરવું 

      ને 

      દુનિયા તમારી મુઠ્ઠીમાં 

      નથી ચિંતા વાંકાચૂંકા અક્ષરોની 

      કે પેન ની કે શ્યાહી ની 

      લોકો અલગ અલગ પણ 

      લખાણ તો એકસરખું જ 

      ઓળખ હતી  ગાંધીજીની અક્ષરોથી  

      આજે  લખાણ થી પણ ઓળખ ક્યાં ?

      કારણ ? 

      કોપી પેસ્ટ કોપી પેસ્ટ કોપી પેસ્ટ 

       નીતા શાહ