મારા રૂમની બાલ્કનીમાં
આરામખુરશી પર ગમતા પુસ્તક સાથે
એકાએક આંખ બંધ થઇ
બાર વર્ષ પહેલા વાવેલ
નાનકડો લીમડાનો છોડ
આજે પાંચમાં માળની બાલ્કનીમાં
કુણા કુણા મ્હોર સાથે
સ્પર્શી રહ્યો હતો
એક મીઠો રોમાંચ
બાર વર્ષ પહેલા દીકરીને
પરદેશ મોકલી ઉચ્ચ અભ્યાસાર્થે
લોકોએ બહુ મહેણાં માર્યા
પણ....આજે
ભણેલી અને સંસ્કારી દીકરીની
''માતા'' નું મળેલું ઉપનામ
બેતાલાના કાચને
ભીંજવી રહ્યું હતું
એક મીઠો રોમાંચ ...!
નીતા શાહ
No comments:
Post a Comment