સ્મરણોથી ભારેખમ હતો ઓરડો આખો
સુનું લાગે ઘર હવે આપના આવ્યા પછી
જુઓ ફૂલો ની ખુશ્બુનો પડે પડછાયો
મોરલો તો ચીતરાય ટહુકો ચીતર્યા પછી
એકલો અટૂલો ઉભો છે એ ભરબપોરે
જીવનભર અઢળક વૃક્ષો વાવ્યા પછી
ભર્યાભાદર્યા હૈયે થઇ ગઈ સાવ ખાલી
આદરી જ્યા ચેષ્ટા મુઠ્ઠીઓ ખોલ્યા પછી
તરસી ધરાને મળ્યો નથી એક છાંટો
જોને વરસાદ આખી રાત પડ્યા પછી
રહી પથ્થરો વચ્ચે બી સુંવાળપ સાચવી
દિલપથ્થર કાં થયું ફૂલોના સથવારા પછી
નીતા શાહ
No comments:
Post a Comment